Rusiya - Ukraina suğışı: Rusiyäneñ yuğaltuları

Ukraina ğomum ştab räislege Rusiya armiyäseneñ 24 nçe fevral’dän 25 nçe mayğa qadärge yuğaltuları turında belderü yasadı.

Älege belderüdӓ ӓytelgӓnçӓ, Rusiya armiyäse soňğı tӓwlektӓ tağın 100 ğaskӓriyen yuğalttı.

Şulay itep Rusiyӓneň barlığı 29 meñ 450 ğaskӓriye üterelde, 206 oçqıç, 170 boralaq, 1 meň 305 tank, 3 meñ 213 köbäle texnika, 606 artilleriya, 201 raketa atuçı sistema häm 93 hawa saqlanu sisteması yuq itelde.

Rusiya şulay uq 2 meñ 218 maşina, 13 korab häm ciñel köymä häm 491 keşesez hawa apparatın yuğalttı.

Rusiya oçırğan 112 qanatlı raketa da Ukraina hawa saqlanu berleklӓre tarafınnan bӓrep töşerelde.

Ukraina ğomum ştab räislege belderüendä Rusiya armiyäseneñ ilneñ könçığışındağı ciröste operaśiyälärenä yärdäm itü öçen hawa höcümnären arttıruı belderelä.

Rusiya saqlanu ministrlığı 25 nçe marttağı belderüendä Ukrainada 1 meñ 351 Rusiya ğaskäriyeneñ ülüen citkergän ide.