İranda hawa kerlelege yoğıntısı

İrannıñ räsmi agentlığı İRNA beldergänçä hawa kerlelege arqasında küp kenä şähärdä mäktäplär häm däwlät oyışmaları waqıtlıça yabıldı, banklar da personal sanın kimette.

Ahvaz Mediŝina fännäre Universitetınıñ Xalıq belän mönäsäbätlärdän cawaplı Doktor İrfan Merdani açıqlaw yasap, Xuzistan vilayätendä hawadağı tuzannıñ artuı arqasında soñğı 48 sägät’tä 1496 keşeneñ tın alu probleması belän xastaxanälärgä möräcäğat’ itüen äytte.

Merdani 1496 keşedän 34eneñ xastaxanägä salınuın, 56ısınıñ da maxsus büleklärgä salınuın açıqladı.

Merdani hawadağı tuzan kisäkçekläre arqasında iğtibarlı bulırğa soradı.

Xormuzgan Meteorologiyane farazlaw bülege başlığı Märziyä Sisipur da töbäktä ber metrdan artıq yıraqlıqnıñ kürelmäwen citkerde.

Sisipur bu wazğıyät’neñ comğağa qadär däwam itäçägen äytte.

İrannıñ Furbol federaŝiyase başqala Tährandağı hawa kerlelege arqasında 3 matçnıñ kiçekterelüen açıqlağan ide.