AQŞta başlanğıç mäktäptä bulğan höcümdä 21 keşe ülde

Uvalde şähärçegendäge Robb başlangıç mäktäbenä höcüm itkän 18 yäş’lek Sal’vador Ramosnıñ poliśiyä belän bäreleştä täêsirsez xälgä kiterelüe beldereld

1831956
AQŞta başlanğıç mäktäptä bulğan höcümdä 21 keşe ülde

AQŞnıñ Texas ştatında başlangıç mäktäptä bulğan qorallı höcümdä 21 keşeneñ ğomere özelde. Alarnıñ 18 bala.

Uvalde şähärçegendäge Robb başlangıç mäktäbenä höcüm itkän 18 yäş’lek Sal’vador Ramosnıñ poliśiyä belän bäreleştä täêsirsez xälgä kiterelüe belderelde. Ul şul uq toraq punktta yäşägän häm üze höcüm itkän başlangıç mäktäpneñ yänäşäsendäge liśeyda uqığan.  

Poliśiyä älege waqıyğanıñ säbäpläre turında xäzergä belderü yasamadı.

AQŞ ilbaşı Djo Bayden qorallı höcümnän soñ: “Täñre rizalığı öçen, bez qayçan qoral lobbisenä qarşı çığaçaqbız?”-dide.

Aziyä säfärennän qaytqan häm Aq Yortta matbuğat cıyılığı oyıştırğan Bayden xatını Djill belän bergä jurnalstlarnıñ qarşına çığıp wazıyfasına kereşkännän birle mondıy çığış yasarğa mäcbür qalmas öçen doğa itüen belderde. Ul äle ber atna êlek kenä Buffalo şähärendä qorallı höcüm buluın xäterlätte häm ildä qorallı köç qullanunıñ artuına iğ’tibarnı cälep itte.

AQŞ milli mäğarif cämğıyäte yasağan belderüdä bolay diyelä: “Däwlät mäktäplärebez uquçılar häm uqıtuçılar öçen iñ imin urınnardan berse bulırğa tiyeş. Säyäsätçelärneñ axır çiktä cawaplılıq alıp qoral qurqınıçsızlığı problemasın çişüe öçen tağın niqadär massaküläm höcüm buluı kiräk?”

Amerika uqıtuçılar federaśiyäse räise Rêndi Vayngarten da höcümgä reakśiyä belderep: “Barı bu däwlättä ata-analar balalarınıñ mäktäptä imin qullarda bulacağına ışana almıy,”-dide.

CNN mäğ’lümatlarına qarağanda, AQŞta yıl başınnan birle, soñğı waqıyğa tışında, mäğarif yortlarına 38 qorallı höcümdä kimendä 10 keşeneñ ğomere özelde, 51e yaralandı.



Bäyläneşle xäbärlär