Ukrainağa 20 däwlät qoral cibäräçäk

Bu xaqta Amerika Quşma Ştatları saqlanu ministrı Lloyd Ostin xäbär itte

1831340
Ukrainağa 20 däwlät qoral cibäräçäk

Amerika Quşma Ştatları saqlanu ministrı Lloyd Ostin 20 däwlätneñ Ukrainağa yaña qoral cibäräçägen belderüen citkerde. Ul häm AQŞ ğomumştab başlığı Mark Milley 47 ilneñ xärbi häm saqlanu wäqalätleläre belän Ukraina mäs’äläse turında söyläşü törkeme cıyılışında qatnaştı.

İke wäqalätle onlayn uzğan utırıştan soñ matbuğat ähelläre belän aralaştı.

Ministr Ostin bu cıyılışta Avstriyä, Bosniya-Gerśegovina, Kosova, Kolumbiya häm İrlandiyäneñ dä qatnaşuın äytte. Ul däwlätlärneñ Ukrainağa yärdäm mäs’äläsendä nıqlı qararda buluların assızıqladı.

“Ukrainağa östämä yärdämnär öçen şaqtıy qanäğat’länderüçe belderülär buldı. 20 däwlät aña qoral cibäräçägen xäbär itte. Bik küp il kritik däräcädä kiräkle artilleriyä yädräse, yar buyı saqlanu sistemaları, tank häm başqa köbäle texnika cibärä,”-dip söyläde Lloyd Ostin.

Ministr Ukrainanıñ yarların saqlaw öçen bu ilgä Garpun raketaları häm alarnı oçırtuçılarnı biräçägen citkergän Daniyägä, tank, raketa häm boralaq ışandırğan Çexiyägä ayırım räxmät äytte.  

AQŞlı wäqalätle cıyılışta Norvegiyä, Greśiyä, Pol’şa häm İtaliyäneñ dä Ukrainağa yaña artilleriyä sistemaları häm başqa suğış kiräk-yaraqları biräçägen belderüen citkerde.



Bäyläneşle xäbärlär