Stoltenberg: "Törkiyäneñ borçıluların çişärgä kiräk”

NATO Ğomum särkätibe Yens Stoltenberg Törkiyäneñ terror höcümnärennän iñ küp zarar kürgän NATO äğ’zase buluın, şuna kürä borçıluların xäl itü öçen yul tabıluınıñ zarurlığın äytte

1831710
Stoltenberg: "Törkiyäneñ borçıluların çişärgä kiräk”

Stoltenberg Şveyśariyanıñ Davos qasabasında oyıştırılğan "Davos sammitı" dip belengän Bötendönya iq’tisad forumında çığış yasadı.

Şveśiya belän Finlyandiyanıñ NATOğa kerüeneñ kollektiv iminlekne arttıraçağın belderüçe Stoltenberg Awrupa Berlege-NATO bağlanışın da köçäytäçägen äytte.

Stoltenberg Rusiyäneñ, çik buylarında tağın da kübräk NATO äğ’zasen telämäwe säbäbe belän NATOğa ul’timatum cibärep, bäyläwçe kileşü taläp itüen xäterlätep:

"Çik buylarında tağın da äzräk NATO kürergä teläde häm suğış başlattı. Xäzer çik buylarında tağın da kübräk NATO kürä. Şveśiyanıñ häm Finlyandiyanıñ NATO äğ’zalegenä möräcäğätläre tarixi ähämiyättä. Törkiyäneñ kön tärtibenä kitergän borçılularnı çişüneñ möhimlegen dä añlıym.

Şunı da onıtmıyq: hiçber NATO berlektäşe terror höcümnärennän Törkiyädän tağın da kübräk zarar kürmäde häm başqa hiçber berlektäş Törkiyädän tağın da kübräk qaçaqnı qabul itmäde. Şuña kürä bez utırıp alğa taba yul tabırğa tiyışbez. Monı êşläwebezgä ışanam," – dip belderde.

Stoltenberg Törkiyäneñ Amerika Quşma Ştatları, Kanada häm Angliya belän ozaq yıllar buyı Ukrainağa yärdäm itüen dä iskärtep uzdı.

Rusiyä Ukrainanı basıp alğan çaqta NATOnıñ moña äzer buluına basım yasawçı Stoltenberg könçığış yağındağı kontingentqa tuqtalıp uzdı.

Stoltenberg kiläse ayda İspaniya başqalası Madridta ütkäreläçäk NATO sammitında berlektäşlärne tağın da qurqınıç häm köndäşlekkä sälätle dönyağa yaraqlaştıru öçen qıyu qararlar qabul iteläçägen citkerde.



Bäyläneşle xäbärlär