Arakanlı möhacirlär utırğan köymä battı

M’yanma sulıqlarında arakanlı möhacirlärne utırtqan köymäneñ äylänep qaplanuı näticäsendä kimendä 17 keşe hälaq buldı. Alarnıñ arasında balalar da bar.

“Äl Cäzirä”neñ BMOnıñ migrantlar yuğarı komissarlığı mäğ’lümatlarına nigezlängän xäbärendä Bengal qultığı aşa Malayziyägä baruçı köymäneñ qazağa yulığuı citkerelä. Anda kimendä 90 keşeneñ buluı farazlana. Şularnıñ 17se ülä, 50dän kübräk keşe yuqqa çığa.

M’yanmanıñ Arakan töbägendä 2012nçe yılda buddistlar belän möselmannar arasında bäreleşlär çıqtı. Waqıyğalarda kübese möselman meñnärçä keşe üterelde, yözlärçä öy häm êş urını yandırıldı. M’yanma armiyäse häm buddist millätçelär 2017nçe yılnıñ 25nçe avgustında çik buyı saq noqtalarına höcümnärne sıltaw itep massaküläm köç qullanu çaraların başladı.

BMO mäğ’lümatlarına qarağanda, 2017nçe yılnıñ avgustınnan soñ Arakandağı qayber basım häm êzärlekläwdän qaçıp Bangladeşqa sıyınuçılarnıñ sanı 900 meñnän arttı. Xalıqara keşe xoquqları oyışmaları, yasalma iyärçennän alınğan materiallarğa nigezlänep, yözlärçä awılnıñ yuqqa çığarıluın dälilläde.

BMO häm xalıqara cämäğat’çelek arakanlı möselmannarğa qarata dähşätne “êtnik çistartu” yäisä “genośid” dip atıy.