AQŞta kötelmägän tabiğıy afätlär

Miçigan östennän büränkä uzdı, Koloradoda isÌ 51 santimetr qar yawdı

1830622
AQŞta kötelmägän tabiğıy afätlär

AQŞnıñ Miçigan ştatına bärgän ğarasat 2 keşeneñ ülemenä, 40tan artığınıñ yaralanuına kiterde.

Gaylord şähärçegendä çıqqan tabiğıy afät öylärneñ tübäsen oçırta, êş urınnarına zur zarar birä. Moña qadär cirlektä ğarasat kürelmägän, şuña kürä kisätü signalı birüçe cihazlar da quyılmağan bula.

4 meñ 200 keşe yäşi torğan şähärçektä säğatenä 225 kilometr tizlek belän isüçe ğarasat zur cimerekleklär qaldıra. Waqıyğa şahitläre dawılnıñ toraq punkt östennän 3 minut êçendä uzuın, şuña qaramastan kük yözendä zur büränkä barlıqqa kiterüen söyli. Ğarasat iñ zur yök maşinaların da awdara. Öylärdän isä cimerek öyemnäre qala.

Belgeçlär regionda moña oxşaş küreneşneñ soñğı tapqır 1998nçe yılda buluın belderä. Kübräk qar burannarına iyälängän xalıq büränkä ğarasatında yaqlawçısız qala.

AQŞnıñ Kolorado ştatında isä cäy yaqınlaşqan çorda kötelmägändä qar buranı çığa. Şul säbäple cirlektä 210 meñ keşe êlektrsız qala. Denver şähärendä buran ağaç botaqların sındırıp êlektr çıbıqların özä. Cirle televideniye kanalları yaznıñ soñğı könnärendä qayber töbäklärdä 51 santimetr biyeklegendä qar yawuın, monıñ ğadättän tış xäl buluın söyli.



Bäyläneşle xäbärlär