İzraildä maymıl çäçäge virusı açıqlandı

Maymıl çäçäge oçraqları monnan alda Angliyä, İspaniyä, Portugaliyä, Amerika Quşma Ştatları, İtaliyä, Şveśiyä, Bel’giyä, Avstraliyä häm Kanadada kürende

1830043
İzraildä maymıl çäçäge virusı açıqlandı

İzraildä täwge maymıl çäçäge yoqtıru oçrağı açıqlandı. Bu xaqta ilneñ sälamätlek saqlaw ministrlığınnan yasalğan yazmaça beldrüdä xäbär itelä.

Täwge yoqtıruçınıñ iseme äytelmi, barı 30 yäş’lärendäge ir-at buluı citkerelä. Awırtu bilgeläre kürenügä anı başqala Tel’-Avivnıñ İçilov xastaxanäsenä salalar.

Belderüdä xastanıñ çit ildä maymıl çäçäge virusı yoqtırğan başqa beräw belän êlemtädä buluı, xäleneñ yaxşı ikänlege äytelä.

Maymıl çäçäge oçraqları monnan alda Angliyä, İspaniyä, Portugaliyä, Amerika Quşma Ştatları, İtaliyä, Şveśiyä, Bel’giyä, Avstraliyä häm Kanadada açıqlandı.

Maymıl çäçäge - êndemik virus kiterep çığaruçı siräk oçrıy torğan awıru. Ul Kongo häm Könbatış Afrika törlärenä ayırıla. Kongo tören yoqtıruçılarnıñ 10 %ına ülem qurqınıçı yanıy, ä Könbatış Afrika törendä här 2 oçraqnıñ bersendä 1% ülem däräcäse kürelä.

Virus, ğadättä, xaywannardan keşegä küçä. Ä keşedän keşegä yoğu oçraqları bik siräk. Bilgeläre: yuğarı temperatura häm tängä qıçıta torğan qabarçıqlar çığu.  



Bäyläneşle xäbärlär