Malayziyada şäxsi mäğlümatlar satılğan
Mäğlümatlar 1940-2004nçe yıllarda tuğan 22 million yarım watandaşka qarıy
Malayziyada 1940-2004nçe yıllarda tuğan 22 million yarım watandaşka xas şäxsi mäğlümatlarnıñ 10 meñ dollarğa satıluı däğwa itelde.
Milli matbuğatta çıqqan xäbärlärgä kürä Malayziyada ber törkem sanaq yulbasarı Milli terkäw bülegennän urlanğan 22 million yarım malayziyaleneñ şäxsi mäğlümatlarına ireşüen citkerde.
Amanz bularaq belenüçe cirle texnologiya portalı 160 GB zurlığındağı mäğlümat bazasınıñ “dark web” aradaşçılığı belän 10 meñ dollarğa satıluın däğwa itte.
Urlanğan mäğlümatlar arasında 1940-2004nçe yıllarda tuğan malayziyalelärneñ iseme, tuu yılı, öy adresları, cenese, telefon häm MyKad nomerları bar.
Sanaq yulbasarları mäğlümatlarnı urlawların isbatlaw maqsatı belän Malayziya êçke êşlär ministrı Xamzax Zaynudinnıñ şäxsi mäğlümatların häm MyKadsta qullanıluçı fotoräsemnären dä üz êçenä aluçı satış isemlegen urtaqlaştı.