Jurnalist Akiläneñ tabutın saqlawçını qulğa aldılar

Fälästinle yeget Äbu Xudeyr tabutnıñ oçın nıqlap tota häm, İzrail poliśiyäseneñ tayaq belän qıynawına qaramastan, yanındağı berniçä iptäşe belän anı cirgä töşermiçä saqlıy

1828443
Jurnalist Akiläneñ tabutın saqlawçını qulğa aldılar

“Äl Cäzirä”neñ İzrail köçläre tarafınnan üterelgän xäbärçese Şirin Äbu Akiläneñ cenazasında poliśiyä xezmätkärläreneñ qıynawına qaramastan tabutnı ıçqındırmıyça saqlawı öçen kön üzägendä bulğan fälästinle yeget Amr Äbu Xudeyrnı qulğa aldılar.

Fälästinle mäxküm ğailäläre komitetı räise Ämcäd Äbu Asab İzrail poliśiyäseneñ Äbu Xudeyrne Şafat şähärendäge öyennän tönlä alıp kitüen belderä. Anı qaya iltülären belmilär. Qulğa alınuınıñ säbäbe dä bilgele tügel.

İzrail poliśiyäse bu mäs’älä belän bäyle belderü yasamadı.

İzrail köçläre atıp ütergän jurnalist xatın-qız Şirin Äbu Akiläne comğa könne cirlädelär. Cenazada qatnaşuçılarğa poliśiyä räximsez räweştä höcüm itte. Alarnıñ tabutnı Könçığış Qudüstäge xastaxanädän alıp çığıp kilüçelärgä kisken räweştä tıqşınuın kürsätüçe videolar xalıqara cämäğat’çelekneñ rizasızlığına säbäpçe buldı.

Videoda kürengänçä, fälästinle yeget Äbu Xudeyr tabutnıñ oçın nıqlap tota häm, İzrail poliśiyäseneñ tayaq belän qıynawına qaramastan, yanındağı berniçä iptäşe belän anı cirgä töşermiçä saqlıy.

“Äl Cäzirä” telekanalınıñ täcribäle xäbärçese Şirin Äbu Akilä 11nçe mayda İzrail köçläreneñ Cänindäge möhacir lagerına basqının töşergän waqıtta atıp üterelde. Anıñ yanında bulğan jurnalist Ali äs-Sumudinıñ arqası yaralandı.



Bäyläneşle xäbärlär