Hindıstanda faciğa

Delidağı yanğında 27 keşeneñ ğomere özelde, 40 keşe yaralandı

1826878
Hindıstanda faciğa

Hindıstannıñ Deli şӓhӓrendӓ ber binada çıqqan yanğında 27 keşeneñ ğomere özelde, 40 keşe yaralandı.

NDTV xӓbӓrenӓ kürӓ şӓhӓrneñ könbatışındağı Mundka metro stanśiyase yanında 4 qatlı ber binada yanğın çıqtı.

Deli poliśiyase yanğında berençe mӓğlümatlarğa kürӓ 27 keşeneñ ülüen, 40 keşeneñ yaralanuın açıqladı.

Poliśiya binanıñ berençe hӓm ikençe qatınnan yaqınça 60 keşeneñ qotqarıluın, êzlӓw-qotqaru êşçӓnleklӓreneñ dӓwam itüen belderde.

Sӓbӓbe ӓlegӓ bilgesez bulğan yanğınnıñ zurlığı arqasında ülüçelӓr sanı arta ala.

Prem’yer-ministrı Narendra Modi yanğın belӓn bӓyle Tvitterda bolay dip yazdı: “Delidağı faciğale yanğında ğomere özelüçelӓrneñ buluı qayğığa saldı. Yaralanuçılarğa şifalar telim. Ğailӓlӓrneñ qayğısın urtaqlaşam.”

Modi yaqtı dön’yadan kitüçelӓr öçen yaqınça 2500şӓr, yaralanuçılar öçen yaqınça 650şӓr dollarnıñ tülӓnӓçӓgen citkerde.



Bäyläneşle xäbärlär