AQŞta dawıllar tınmıy

AQŞnıñ Kön’yaq Dakota hӓm Minnesota ştatlarında atna buyı küzӓtelgӓn köçle dawıllarda 3 keşeneñ ğomere özelde.

Kandiyoxi rayonı Şerif ofisınnan yasalğan açıqlawğa kürӓ Minnesotada pӓnceşӓmbe könne sӓgӓtenӓ 113 çaqrım belӓn iskӓn köçle cil arqasında aşlıq silosları ber maşina östenӓ töşkӓn, faciğada 1 keşe ülgӓn.

Şul uq ştatta hawa torışın küzӓtkӓn 1 meteorologiya xezmӓtkӓre dawıl arqasında yul hӓlakӓtenӓ oçrap, yaqtı dön’yadan kitte.

Kön’yaq Dakota rӓsmi zatları da Siouz Falls töbӓgendӓ 61 yӓş’lek Vendi Leypnıñ maşinasına utınnıñ oçıp bӓrelüen, Vendinıñ ülüen citkerde.

Kön’yaq Dakota gubernatorı sӓgӓtenӓ 161 çaqrım tizlek belӓn isüçe dawılnıñ 28 rayonda küzӓtelüen hӓm zıyan saluın belderde.

Ştatnıñ Salem töbӓgenӓ barlıqqa kilgӓn öyermӓ ber qartlar yortınıñ tübӓsen oçırdı. Meñnӓrçӓ abonent utsız qaldı.