Qıtay çit ilgä säyäxätlärne kimetäçäk

İldä moña qadär dä koronavirus arqasında çit ilgä çığu häm kerü çiklängän ide

1826494
Qıtay çit ilgä säyäxätlärne kimetäçäk

Qıtay Omikron variantı arqasında koronavirus oçraqlarınıñ taraluına yul quymas öçen watandaşlarınıñ çit illärgä çığularına çikläwlär kertäçägen xäbär itte. İlneñ migraśiyä idaräsennän belderülärençä, Kovid-19 kizüe säbäple, mäcbüri bulmağanda säyäxätlärgä röxsät birelmäyäçäk. Monnan tış, passport häm säfär dokumentları centekle tikşerü uzaçaq.

Belderüdä Qıtayda Kovid-19nıñ kritik noqtada buluı assızıqlana. Uzğan atnada däwlät başlığı Si Śzin’pin citäkçelegendä ilneñ iñ yuğarı qarar çığaru organı - Kommunistlar partiyäse säyäsi byurosınıñ daimi komitetı cıyıldı. Anda kizü belän köräş öçen çığarılğan qararlar xaqında fiker alıştılar.

Si Śzin’pin cıyılışta “nol’ yoqtıru oçrağı” säyäsäteneñ däwam itäçägen citkerde.

İldä Kovid-19 kizüeneñ başınnan birle çit il keşeläreneñ kerüe dä, Qıtay watandaşlarınıñ çitkä säyäxätläre dä zur külämdä çiklände.

Qıtaylılar pandemiyä çorında pasportların yañartuda qıyınlıqlar belän oçraştı. Viza prośesslarınıñ ozınayuı, oçışlarnıñ tuqtaluı häm çikläwlär säbäple çit il keşeläreneñ kerüe dä bik awırlaştı.

Räsmi mäğ’lümatlarğa qarağanda, Qıtayda 2021nçe yılda xalıqara säyäxätlär, 2019nçı yıl belän çağıştırğanda, 80%qa kimegän.



Bäyläneşle xäbärlär