Finlyandiya NATOğa kerü öçen möräcäğät itäçäk

Finlyandiyanıň, Rusiyä-Ukraina suğışı waqıtında İttifaqnıň üsü yulın açıp, NATOğa äğ’za buluı öçen möräcäğät itäçäge belderelde

1826200
Finlyandiya NATOğa kerü öçen möräcäğät itäçäk

Finlyandiya İlbaşı Sauli Niinistö häm Baş ministrı Sanna Marin yasağan urtaq belderüdä ilneň soňarmıyça NATO äğ’zalegenä möräcäğät itüeneň zarurlığına basım yasalıp, qararnıň qabul itelüe öçen aldağı könnärdä adımnarnıň tizläteläçäge äytelde.

Belderüdä 24nçe fevral’dän birle däwam itüçe Rusiyä-Ukraina suğışı waqıtında ittifaqnıň üsüenä yul açılıp, NATO äğ’zalek öçen möräcäğät iteläçäge iğ’lan itelde.

Urtaq belderüdä şuşı äğ’zälekneň Finlyandiyanıň iminlegen häm böten saqlanu ittifaqın köçäytäçägenä basım yasaldı.

Finlyandiyanıň şuşı adımına Rusiyä İlbaşı idaräseneň reakśiyası soňarmadı.

Kreml’ süzçese Dmitriy Peskov: "Finlyandiyanıň NATOğa kerüe Rusiyä öçen qurqınıç bulır. NATOnıň kiňäytelüe Awrupanı tağın da qurqınıçsız urınğa äyländermi”, - dide.

Rusiyä tışqı êşlär ministrlığı da Finlyandiya NATOğa kergän oçraqta Rusiyäneň milli iminlegenä qarşı yanawlarnı tuqtatu öçen häm xärbi häm başqa sıyfatta qarşılıq birü adımnarın yasarğa mäcbür bulaçağın belderde.

Rusiyä monnan alda da Şveśiyanıň häm Finlyandiyanıň buluı mömkin NATO äğ’zalegeneň bu illärneň häm Awrupanıň iminlege öçen näticäläre bulaçağın kisätkän ide.

NATO Ğomum särkätibe Yens Stoltenberg isä Finlyandiyanıň namzätlek möräcäğäte belderüen: "Finlyandiya äğ’zalek öçen möräcäğät itkän oçraqta NATOda qanäğätlelek belän qarşılanaçaq, kerü barışı problemasız häm tiz bulaçaq”, - diyıp bäyäläde.

Şul uq waqıtta Şveśiyanıň da aldağı könnärdä NATOğa quşılu qararın iğ’lan itüe kötelä.



Bäyläneşle xäbärlär