AQŞta narkotiktan ülemnär

AQŞta uzğan yılnı küp dozada narkotik qullanu arqasında 100 meñnän artıq keşeneñ ğomere özelde.

İldäge Xastalıqnı kontrol’ itü häm buldırmaw üzägenä bäyle Sälamätlek statistikası üzäge mäğlümatlarına kürä 2021dä ildä küp dozada narkotik qullanu arqasında kürelgän ülemnär annan aldağı yıl belän çağıştırğanda 15%ka artıp, 100 meñnän arttı.

Sälamätlek statistikası üzäge beldergänçä koronavirus kizüe waqıtında xastaxanälärgä ireşep bulmaw, soŝial’ izolyaŝiya häm narkotik üzençälege bulğan darularğa taläpneñ artuı narkotikka bäyle ülemnärneñ rekord däräcädä kübäyüenä iltte.

Xastalıqnı kontrol’ itü häm buldırmaw üzägenä bäyle oyışma artıq dozadan ülemnärneñ Kovid-19 kizüe täêsirle bulğan 2020dä dä annan aldağı yılğa kürä 30%ka artuın açıqlağan ide.