Törmädä fetnä: 43 üle

Êkvadorda törmädä qorallı bäreleş bula

1824446
Törmädä fetnä: 43 üle

Êkvadorda törmädä çıqqan fetnä häm bäreleşlär waqıtında 43 mäxkümneñ ülüe, 100dän artığınıñ qaçuı belderelde. Waqıyğa Santa-Domingo-de-los-Tsaçilas şähärendäge Bellavista törmäsendä kiçä irtänge säğat’lärdä başlana.

Prokuratura älege xäl turında Twitterda bolay dip yaza: “Älegä qadär ülgän 43 mäxküm bar, tikşerenülär däwam itä. Fetnäneñ soñğı säğat’lärendä 100dän artıq mäxkümneñ yuqqa çığuı açıqlandı”.

Êçke êşlär ministrı Patrisio Kastillo isä iminlek köçläreneñ kisätü çaraları näticäsendä 112 mäxkümneñ qaçuına yul quymawların belderde. Qaçqannarın êläkterü öçen êşçänlek başlanğan.

Kastillo törmädäge fetnäneñ tulısınça kontrol’ astına alınuın assızıqladı. Külämle tentü näticäsendä kameralarda utlı qorallar häm kisüçe caylanmalar qulğa töşerelgän.

Êkvadorda 30 meñ keşe sıydırışlı 65 törmädä yaqınça 39 meñ totqın häm xökem itelüçe bar. Törmälärdäge bandalar arasında çıqqan waqıyğalar qayçaq ülemnärgä kiterüçe fetnälärgä äwerelä.

İldä uzğan yıldan birle şundıy bäreleşlärdä 400dän artıq mäxkümneñ ğomere özelde.



Bäyläneşle xäbärlär