Litva: “Rusiyäneň Ukrainağa höcüme genośid”

Litva milli teleradiokompaniyası (LRT) xäbärenä kürä, 128 uňay tawış belän qabul itelgän qararda Rusiyäneň xärbi köçläreneň häm yalçılarınıň Buça, İrpin, Mariupol, Borodyanka häm Hostomel belän bergä Ukraina cirlärendä "kümäk xärbi cinayät” yasawına işarät itelde.

Qararda Rusiyä köçläreneň Ukrainağa qarşı alıp barğan kiň qolaçlı suğışnıň Ukraina xalqına qarşı "genośid" bularaq qabul itelüe citkerelde.

Barlıq gäyıplelärneň cawapqa tartıluınıň häm xalıqara cämäğätçelekneň Rusiyäneň cinayätlären tikşerü öçen Maxsus xalıqara cinayät mäxkämäsen tözüeneň zarurlığına basım yasalğan qararda: "Xärbi köçläre maxsus häm sistemalı räweştä tınıç xalıqnı nişan itep alğan Rusiyä Federaśiyäse terrorçılıqnı yaqlawçı häm başqaruçı däwlät”, - dip äytelde.

Başqala Kiev yanındağı Buça şähären Rusiyä köçlärennän 1nçe aprel’dä azat itkän Ukraina ğaskäre binaları cimerelgän, uramnarı mäyıt belän tulğan şähärgä kergän ide. Kiev tirä-yağında azat itelgän toraq urınnarında tınıç xalıqtan 410 keşeneň mäyıte tabılğan ide.

Rusiyä xärbiläre 24nçe fevral’dä Ukrainağa höcüm başlatqan ide.