Putin: "Bez Ukrainada kiräk bulğannı êşlädek"

Putin Böyek Ciñü köneneñ 77 yıllığı uñayınnan başqala Mäskäwdä Qızıl Mäydanda çığış yasadı

1823960
Putin: "Bez Ukrainada kiräk bulğannı êşlädek"

Rusiyä däwlät başlığı Vladimir Putin Böyek Ciñü köneneñ 77 yıllığı uñayınnan başqala Mäskäwdä Qızıl Mäydanda çığış yasadı. Ul Ukrainada baruçı suğış turında da fikerlären belderde. Putin Kiyevnıñ atom-töş qoralı öçen tırışuın alğa sörä. “Ukrainada êşlärgä tiyeş bulğannı êşlädek, bäysezlek öçen êşlädek,”-di ul.

Putin Könbatışnıñ Rusiyäne tıñlarğa telämäwen, başqa plannarı buluın äytä. “Xäzer böten dön’yanıñ Ukrainağa modern qorallar kiterüen küräbez,”-di Rusiyä liderı. Anıñça, NATO xärbi operaśiyä başladı häm Rusiyä cirlären tartıp alırğa mataşa. Ul “ittifaqnıñ il çiklärendä yanaw tudıruın” assızıqlıy.

Putin İkençe Bötendön’ya suğışında faşistlarnı ciñgän buın belän ğorurlanuların belderde. “Faşizmnı tar-mar itüçelärneñ xatiräsen saqlaw bezneñ burıçıbız,”-di ul.

Putin maqsatlarınıñ ruslarğa qarşı başlanğan suğışnı tuqtatu buluın äytä. “Bügen Donbassta köräşüçe ğaskärilärebez şunı belsen, alar kiläçägebezne saqly,”-di ul.



Bäyläneşle xäbärlär