Ukrainada mäyetlärne êzlilär
Bäreleşlär bulıp uzğan urınnarda kön sayın diyärlek mäyetlär tabıla
1822114
Ukrainada Rusiyä armiyäseneñ höcümnärendä ğomere özelgän grajdanlılarnıñ mäyetlären êzläw däwam itä. Bäreleşlär bulğan Kiyev töbägendäge Vışegrad cirlegendä urta yäş’lärdäge ber keşeneñ gäwdäsen tabalar. Awıl keşeläre qatnaşında tikşerü uzdırğannan soñ anı terkäw öçen xastaxanägä yullıylar.
Buça töbäge poliśiyä idaräseneñ matbuğat öçen cawaplı xezmätkäre Alina Podreyko şähär häm awıllarda Rusiyä höcümnärendä ülüçelärneñ mäyetlären kön sayın diyärlek oçratuların belderä. Alar arasında balalar da bar. Podreyko yuqqa çıqqan tağın bik küp keşene êzläwlären söyli.