132 säğat' işelgän bina astında torğan

Qıtaynıñ Xunan’ provinśiyäse üzäge Çanşa şähärendä işelgän 6 qatlı binanıñ cimerekläre astınnan 132 säğat’ uzğannan soñ ber keşene qotqardılar. Tönge säğat’lärdä qazıp çığarılğan xatın-qız älege yort astında isän-saw qalğan 10nçı keşe buldı. Anıñ añında buluı, qotqaruçılar belän êlemtä qoruı belderelde.

Qotqaru törkemnäre tawış birep, metallarğa suğıp häm êtlär yärdämendä cimereklär êçendäge 20 keşegä ireşergä tırışa. Bina tiräsendä yäşägän 39 keşedän isä xäbär yuq.

Cimereklär astınnan älegä qadär 5 mäyet çığarıldı.

Binanıñ işelüe öçen cawaplı sanaluçı 9 keşe saq astına alındı. Aralarında älege yortnıñ xucası da bar.

Däwlät başlığı Si Śzinpin’ binadağılarnı niçek bulsa da qotqarırğa häm ğayeplelärne cawapqa tartırğa kürsätmä birde.