Şveŝiyada qaber taşların cimergännär

Şveŝiyaneñ Mal’mö şähärendäge Êstra ziratında möselmannar häm pravoslav xristiyannarnıñ 20 qaber taşı cimerelde.

Şveŝiyaneñ däwlät televideniyese SVTğa açıqlaw yasağan Mal’mö poliŝiyase süzçese Nils Norling älegä bilgesez keşelär oyıştırğan höcümdä qaber taşlarınıñ zıyan kürüen häm östenä buyawnıñ tügelüen äytte.

Norling älege qaberlärneñ möselman häm pravoslav xristiyannarnıqı buluın belderde.

“SVD” gazetı beldergänçä yaqınça 20 qaber cimerelgän, Ramazan bäyrämeneñ berençe könendä yaqınnarına doğa uqırğa teläwçe möselmannar waqıyğa turında poliŝiyağa xäbär itkän.

Poliŝiya höcümçelär belän bäyle mäğlümatnıñ bulmawın, şahitlarnı üzlärenä möräcäğat’ itärgä çaqırdı.