Rusiyä korablarına kerü tıyıla
Norvegiyä üz portlarına rus korabların almayaçaq
Norvegiyä xökümäte, Rusiyäneñ Ukrainağa qarşı suğışı säbäple, portların rus korabları öçen yaba. Bu xaqta däwlät kanalı NRKda çıqqan ber xäbärdä äytelde. Anda Norvegiyä xökümäteneñ Rusiyägä qarşı yaña sankśiyälär kertäçäge häm bu qısalarda ilneñ portlarınıñ rus korabların kertmäyäçäge citkerelä. Näticädä, Rusiyädän diñgez yulı belän yök kiterü dä tıyılaçaq.
Qarar 7nçe maydan ğamälgä keräçäk. Anıñ balıqçı köymälärenä qağılmawı belderelde.
Ukraina däwlät başlığı Volodimir Zelenskiy uzğan ayda Norvegiyä parlamentına onlayn möräcäğat’ itte. Ul üz çığışında xökümättän hawa saqlanu sistemaları soradı häm portların Rusiyä korabları öçen yabırğa çaqırdı.
Norvegiyä saqlanu ministrlığı 20nçe aprel’dä yasağan belderüendä Ukrainağa Franśiyädä yasalğan yaqınça 100 hawa saqlanu raketası cibärülären xäbär itte.
Bäyläneşle xäbärlär
Xan-Yunusta yaña mäyetlär tabıldı
“Nasır xastaxanäse” kompeksında tabılğan kümäk qaberlektän tağın 51 mäyet çığarıldı