Xalıqara cinayät’ mäxkämäse: “Rusiyä mäxkämä belderülärenä cawap qaytarmıy”
Xalıqara cinayät’ mäxkämäse baş prokurorı Karim Xan Rusiyäneñ Ukrainada xärbi cinayät’lär yasawda gäyıplänügä qağılışlı belderülärgä cawap birmäwen äytte
Berläşkän Millätlär Oyışması İminlek Şurasınıñ Franśiya häm Albaniyanıñ taläbe nigezendä Ukrainada yasalğan cinayät’lärne tikşerü öçen "arria formulası" bularaq belengän räsmi bulmağan utırışı ütkärelde.
Utırışta çığış yasawçı Xalıqara cinayät’ mäxkämäse baş prokurorı Karim Xan 43 ilneñ Ukrainadağı suğış cinayäte raslawların Xalıqara cinayät’lär mäxkämäsenä tapşıruın belderde.
Xan: "Rusiyägä 3 belderü cibärdem, läkin cawap almadım. Min däwam itäçäkmen. Bezneñ çınbarlıqnı açıqlawdan tış başqa bernindi kön tärtibebez yuq”, - dip äytte.
Başqala Kiev tiräsendäge Buça şähären Rusiyä köçlärennän 1nçe aprel’dä azat itkän Ukraina armiyası binaları cimerelgän, uramnarı mäyıt belän tulğan şähärgä kergän ide. Kiev tirä-yağında azat itelgän toraq bistälärendä tınıç xalıqtan 410 keşeneñ mäyıte tabılğan ide.
Rusiyä xärbiläre 24nçe fevral’dä Ukrainağa höcüm başlatqan ide.
