Süriyӓ Konstituśiya komitetınıň 8 nçe utırışı may axırında başlana
BMOnıň Süriyӓ maxsus wӓkile Geyr Pedersen: "Konstutuśiya komitetınıň 8 nçe utırışı Jenevada 28 nçe maydan 3 nçe iyün’gӓ qadӓr uzaçaq"
Berlӓşkӓn Millӓtlӓr Oyışmasınıň Süriyӓ maxsus wӓkile Geyr Pedersen Konstutuśiya komitetınıň 8 nçe utırışınıň Şveyśariyӓneň Jeneva şӓhӓrendӓ 28 nçe maydan 3 nçe iyün’gӓ qadӓr uzaçağın belderde.
Ul BMO iminlek şurasındağı brifingta xalıqara cӓmӓğӓt’çelekne Süriyӓdӓge krizisnıň qaynar bӓreleş buluı, Afrinda hӓm ilneň tön’yaq-könçığışında hawa höcümnӓre hӓm bӓreleşlӓrneň köçӓyüe turında kisӓtte.
Pedersen bilgelӓp uzğança, Süriyӓdӓge strategik tupik hӓm krizisnıň massakülӓm mӓğ’lümat çaralarında yaqtırtılmawı problemanıň möhim tügellege turında yalğış qaraşqa kiterergӓ tiyeş tügel, bu zurlıqtağı krizis kiň qırlı çişeleş talӓp itӓ.
BMOnıň Süriyӓ maxsus wӓkile Geyr Pedersen Süriyӓ Konstituśiya komitetınıň 8 nçe utırışına yaqlarğa çaqırular cibӓrgӓnen hӓm Jenevadağı söylӓşülӓrneň 28 nçe maydan 3 nçe iyün’gӓ qadӓr bulaçağın ӓytte.
