İlon Mask Tvitternı satıp ala

SpaceX häm Teslanıñ yuğarı däräcäle citäkçese İlon Mask Tvitternı yaqınça 44 milliard dollarğa satıp alu öçen kileşte.

Tvitterda mäs’älä belän bäyle yasalğan açıqlawda bolay diyelä: “Yaqınça 44 milliard dollarğa satıp alu kileşüe tözelde, här akŝiya öçen 54,20 dollar tülänäçäk.”

Açıqlawdan kürengänçä satıp alu êşe tämamlanğannan soñ soŝial’ çeltär şäxsi şirkätkä äylänäçäk.

Açıqlawda Masknıñ qaraşlarına da urın birelde: “Süz irege – demokratiya nigezeder. Tvitter - keşelek kiläçäge öçen möhim mäs’älälär bäxäsläşelgän didjital’ şähär mäydanı bulıp tora.”