Bıyıl Yämändä 33 meňnän artıq keşe yäşägän cirlären taşlap kitkän

Yämändä bıyıl 33 meñnӓn artıq keşe yӓşӓgӓn cirlӓrennӓn küçenep kitärgä mäcbür bulğan.

Bu xaqta BMOnıñ Xalıqara migraśiya oyışması xisabında citkerelä.

Xisapta ӓytelgӓnçӓ, bıyılnıň 1 nçe ğınwarınnan 23 nçe aprelenӓ  qadär 5 meň 556 ğailä küçenergä duçar bulğan.

Bu ğailälär barlığı 33 meň 336 keşedän tora.

İň küp küçenü Dali,Taiz häm Xudeyda qalalarında küzätelgän.

Yämändä İran yaqlaw kürsätüçe xusilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

İldä 7 yıl däwam itkän bäreleşlärdä xäzerge waqıtqa qadär yaqınça 377 meň keşeneñ ğomere özelde.

 Dön’yanıñ iñ fäqir’ illäre arasında urın alğan Yämändä watandaşlar suğışı säbäbe belän gumanitar krizis qotoçqıç däräcälärgä citte.