Urlanğan keşelärne - qotqarırğa!

Nigeriyä däwlät başlığı Möxämmät Buxari ilendä qorallı bandalar urlağan keşelärne qotqaru öçen iminlek köçlärenä kürsätmä birde. Ul qurqınıçsızlıq problemaları artu säbäple başqala Abudjada tärtip saqlaw oyışmaları belän oçraştı.  

Nigeriyä milli qurqınıçsızlıq kiñäşçese Babagana Monguno şunnan soñ belderü yasadı. Ul Buxarinıñ ildä urlanğan keşelärneñ tiz arada häm zarar kürgänçe qotqarıluı öçen barlıq operaśion häm küzläw berleklärenä kürsätmä birüen äytte

Nigeriyada qorallı törkem 28nçe mart kiçendä Rigasa vokzalında yulçı poyızdına bombalı höcüm oyıştırdı. Şartlawda 8 keşeneñ ğomere özelde, 46sı yaralandı.

Xökümät höcümnärdän soñ 170 keşeneñ qotqarıluın, 146 keşeneñ yuqqa çığuın belderde.