Ukrainağa 24 milliard dollarlık aqçalata yärdäm

Amerika Quşma Ştatları, Germaniya, Angliya, Kanada, Franŝiya, İtaliya häm Yaponiyadan toruçı G7 illäreneñ finans ministrları Ukrainağa 24 milliard dollardan artıq aqçalata yärdäm süzen birde.

G7 illäreneñ finans ministrları häm üzäk bank başlıqları Rusiyäneñ Ukrainağa höcümnäre belän bäyle urtaq açıqlaw yasadı.

Açıqlawda älege illärneñ finans ministrları häm üzäk bank başlıqlarınıñ Ukrainadağı suğışnı, suğış arqasındağı ülemnärne häm suğışnıñ global’ iqtisadi täêsiren qaraw öçen küreşüläre belderelde.

Açıqlawda xalıqara oyışmalar häm küp taraflı forumnarnıñ Rusiyä belän êşçänleklären monnan soñ alıp barmawları zarurlığı assızıqlandı. Rusiyäneñ bu atnada oyıştırılğan G20, Xalıqara Valyuta fondı häm Dön’ya bankı cıyılışları belän ber rättän xalıqara forumnarda qatnaşuınıñ borçuğa saluı citkerelde.

Açıqlawda bolay diyelä: “Xalıqara cämäğat’çelek belän bergä 2022 häm annan soñğısı öçen 24 milliardtan artıq aqçalata yärdäm mäs’äläsendä kileştek.”