Qıtay Rusiyä belän strategik xezmättäşlegen köçäytäçäk

Qıtay Tışqı êşlär ministrı urınbasarı Le Yuçeng: "Närsä genä bulmasın Rusiyä belän strategik xezmättäşlekne köçäytäçäklären” belderde

1815060
Qıtay Rusiyä belän strategik xezmättäşlegen köçäytäçäk

Ministrlıqtan yasalğan belderügä kürä, Le Rusiyäneň Pekin ilçese Andrey Denisov belän ike il mönäsäbätläre, regional’ häm global’ täräqqıyätlär quzğatılğan söyläşü ütkärde.

Qıtay Däwlät başlığı Şi Cinping häm Rusiyä İlbaşı Vladimir Putin citäkçelegendä Qıtaynıň häm Rusiyäneň yaňa çor öçen kiň qolaçlı strategik koordinaśiya urtaqlığın üsterüne däwam itülärenä basım yasawçı Le şuşı xezmättäşlekne törle ölkälärdä arttırırğa däwam itülären iskärtep uzdı.

Le, ike il mönäsäbätläreneň möhimlegenä iğ’tibarnı yünältep: "Xalıqara säyäsät niçek kenä üzgärmäsen, Qıtay üzara tabışlı xezmättäşlek häm keşelek kiläçäge öçen Rusiyä belän strategik koordinaśiyanı köçäytüne, ike ilneň urtaq mänfäğätlären bergäläp yaqlawnı, yaňa xalıqara mönäsäbätlärneň häm urtaq cämğıyätneň tözelüen täşviq itärgä däwam itäçäk”, - dide.

Denisov ta Rusiyäneň härwaqıt Qıtay belän mönäsäbätlärne üsterüne diplomatik östenlek bularaq kürüen, xalıqara tigezlekne häm ğadälätne saqlaw öçen ike däwlät başlığı bilgelägän yünäleştä kiň qırlı strategik koordinaśiyanı häm küp yaqlı praktik xezmättäşlekne tağın da arttırırğa äzer buluın belderde.



Bäyläneşle xäbärlär