Törek bulğanı öçen pıçaqlandı

Amerika Quşma Ştatlarınıñ N’yu-York şähärendä ber törek watandaşı kemlege bilgesez keşe tarafınnan “törek buluı öçen” pıçaqlanğan.

N’yu-York poliśiyä departamentınıñ Twitter akkauntında höcümneñ Manxêttenda 15nçe aprel’dä buluı belderelde häm şöbhäleneñ süräte urtaqlaşıldı.

Poliśiyä soñınnan kemlege bilgesez ber keşeneñ Törkiyägä qarşı süzlär söyläp 24 yäşendäge ir-atnıñ kükrägen pıçaq belän yaralawı turında belderü yasadı.

Höcümgä duçar bulğan häm xastaxanägä salınğan keşeneñ şäxese belderelmi. “Daily News” veb-säxifäsendä urın alğan xäbärgä qarağanda, poliśiyä çığanaqları şöbhäleneñ höcüm itkänçe yegettän “Sin törekme?” dip sorawın häm “Töreklärne küralmıym” dip taşlanuın açıqlağan.

Cirle mediada çıqqan ber videoda da höcümgä duçar bulğan keşe turında “Törek buluı öçen pıçaqlandı” digän süzlär urın aldı.

Şöbhäle xaqında mäğ’lümat citkergän keşelärgä 3 meñ 500 dollarğa qadär aqçalata büläk bireläçäk. N’yu-York poliśiyä departamentı höcümne “näfrät cinayäte” bularaq tikşerä başladı.