Tağın ber êpidemiyäme?

Bötendön’ya sälamätlek saqlaw oyışması Böyekbritaniyädä älegä qadär 74 keşedä açıqlanğan “serle gepatit” oçraqlarınıñ artu tendenśiyäsendä buluın citkerde. “Säbäbe açıqlanğançı tağın da kübräk oçraqnıñ kürelü ixtimalı bik yuğarı” diyelä oyışmadan yasalğan belderüdä.

Moña qadärge oçraqlarnıñ barlıqqa kilüendä öske sulış yullarına täêsir itüçe adenovirus yäki Kovid-19 rol’ uynağan digän farazlar bar. Monnan tış, anda başqa yoğışlı bulmağan faktorlarnıñ urın alu mömkinlege tikşerelä 

Belderüdä äytelgänçä, qayber gepatit oçraqlarında Kovid-19, qayberlärendä isä adenovirus açıqlanğan. Tik awıruçılarnıñ bu ike virus belän bäyläneşe täğayenlänüe öçen genetik analizlar kiräklege assızıqlana.

Belderüdä gepatit oçraqlarınıñ yaña dön’yaküläm êpidemiyä kiterep çıaru mömkinlege turında süz yuq. BSO äğ’za illären Böyekbritaniyädäge şikelle infekśiyälärne açıqlarğa häm xäbär itärgä çaqırdı.

Angliyädä 74 balada säbäbe bilgesez serle gepatit virusı açıqlanuı belderelgän ide.