Tramptan törek tabibına xuplaw
Tanılğan törek xirurg, professor, doktor Mäxmät Öz Senatka namzät bulğan ide
1809935
Amerika Quşma Ştatlarınıñ êlekke ilbaşı Donal’d Tramp Senatka namzät bulğan tanılğan törek xirurg, professor, doktor Mäxmät Özneñ kandidatlığın xuplayaçağın citkerde.
Tramp yazma açıqlaw yasap: “Pensil’vaniya ştatınıñ aqıllı häm tanılğan tabib Mäxmät Özne AQŞ Senatına saylap, Amerikanı saqlar öçen bik yaxşı forsatı bar,” – dide.
“İlebezgä zıyan salırğa teläwçe radikal sulçı Demokratlarğa qarşı Mäxmät Özneñ ğomüm saylawda ciñü şansı yuğarı,” – dide ul.
Mäxmät Öz 30nçı noyabr’da Pensil’vaniya ştatınnan Cömhüriyätçe partiyaneñ Senat namzätlege öçen köç sınaçağın beldergän ide.
