53 yäşendäge xatın-qıznıñ tän küzänäkläre 30 yılğa yäşärde

Angliyädäge ğalimnär yaña uylap tabılğan texnologiyä yärdämendä 53 yäşendäge ber xatın-qıznıñ tire küzänäklären 30 yılğa yäşärtte. Ul 23 yäş’leklärgä tiñ buldı.

Kêmbridj şähärendäge Babraxam institutı professorı Vol’f Reyk citäkçelegendäge fänni törkem biologik säğat’ne 30 yıl artqa küçerügä ireşte. Yaña texnologiyäne alar başta “Dolli” atlı klonlanğan sarıqta sınap qarıy. Soñınnan anı tağın da kamilläşterep 53 yäşendäge xatın-qızda qullanalar.  

Êşçänlek barışında tän küzänäkläreneñ 23 yäş’lek keşedäge şikelle kürenüçe häm xäräkät itüçe küzänäklärgä äwerelüe açıqlana.  

İnstituttan yasalğan belderüdä bolay diyelä: “Öleşçä yäşärgän küzänäklärneñ tän yarasın imitaśiyäläwçe täcribälärdä üzlären tağın da yäş’ küzänäklär şikelle totuı kürende”. Anda fänni êşçänlekneñ reparativ mediśinada inqıylab barlıqqa kiteräçäge assızıqlandı.

Käwsä küzänäklär tikşerenülärenä nigezlänüçe älege yaña ısulnıñ klinik sınawlarğa küçkänçe äle nıqlap üstereläçäge belderelde.