AQŞ Rusiyӓne BMO Keşe xoquqları şurasınnan çığaru öçen êşkä kereşä
Ul monıñ öçen Ukraina, Awrupa illӓre hӓm başqa partnyerlar belӓn tığız xezmӓttӓşlek başqara
Amerika Quşma Ştatları Ukrainağa suğış başlatu arqasında Rusiyӓne Jenevada urnaşqan Berlӓşkӓn Millӓtlӓr Oyışmasınıň Keşe xoquqları şurasınnan çığaru öçen kereşü başqaraçaq.
AQŞnıň BMOdağı ilçese Linda Tomas Grinfild Ukrainanıň Buça qalasındağı tınıç xalıq ülemnӓrennӓn soň Rusiyӓneň Keşe xoquqları şurasına ӓğ’zalığın tuňdıru öçen êşkӓ kereşӓçӓk.
Bu xaqta AQŞnıň BMO daimi wӓkilçelege süzçese Oliviya Dal’ton Twitter akkauntındağı belderüendӓ citkerӓ.
Dal’ton ӓytüençӓ, Rusiyӓneň BMO Keşe xoquqları şurası ӓğ’zalığın tuqtatu öçen AQŞ Ukraina, Awrupa illӓre hӓm başqa partnyerlar belӓn tığız xezmӓttӓşlek başqara.
BMO Keşe xoquqları şurasına saylanğan ilneň ӓğ’zalığı 193 ӓğ’zalı BMO ğomum şurasında öçtӓn ike öleş belӓn tuqtatılırğa mömkin.
Mondıy adım 2011 nçe yılda Liviya öçen yasaldı hӓm Liviiya BMO Keşe xoquqları şurası ӓğ’zalığınnan çığarıldı.
