Urta diñgezdä 90 keşe hälaq buldı

Urta diñgezne kiçärgä tırışqan bik küp keşele köymädäge 90nan artıq qaçaq xalıqara sularda hälaq buldı

1806728
Urta diñgezdä 90 keşe hälaq buldı

Urta diñgezdä bulğan faciğadä 90nan artıq qaçaqnıñ ğomere özelüe belderelde. BMO migrantlar yuğarı komissarı Filippo Grandi Çikne belmäwçe tabiblar oyışmasınıñ Twitter akkauntındağı yazmasına sıltama belän bolay dip citkerde: “Urta diñgezdä bulğan tağın ber faciğadä 90nan artıq keşe ülde”.

Ul Awrupa däwlätläreneñ qaçaqlar mäs’äläsenäge ikele standartlarına törtterde.

“Awrupa Ukrainadan kilgän 4 million möhacirne yumart häm näticäle räweştä sıyındıra alu säläten kürsätte. Xäzer monı aşığıç räweştä işegen şaquçı başqa möhacir häm qaçaqlarğa qarata niçek tormışqa aşıraçağın uylarğa kiräk,”-dide Grandi.

Çikne belmäwçe tabiblar oyışmasınnan belderülärençä, Liviyädän berniçä kön êlek quzğalğan häm Urta diñgezne kiçärgä tırışqan bik küp keşele köymädäge 90nan artıq qaçaq xalıqara sularda hälaq buldı.

Bik küp qaçaq Liviyä aşa Tön’yaq Afrikadan qanunsız yullar belän Awrupağa kitü öçen Urta diñgez marşrutın saylıy.



Bäyläneşle xäbärlär