"Ukrainada kim digändä 1430 ğayepsez keşe ülde"

Rusiyä-Ukraina suğışında Ukrainada kim digändä 1430 ğayepsez keşe yaqtı dön’yadan kitte, 2097 keşe yaralandı, höcümnärdän soñ 4 million 215 meñ 47 qaçaq kürşe illärgä kitte.

Berläşkän Millätlär Oyışmasınıñ Qaçaqlar yuğarı komissarlığı tarafınnan yasalğan açıqlawda Ukrainadağı qaçaqlar krizisına qarağan mäğlümat urtaqlaşıldı.

Açıqlawdan kürengänçä 24nçe fevral’ – 3nçe aprel’ könnärendä Pol’şağa 2 million 451 342, Rumıniyağa 643 058, Moldovağa 394 740, Vengriyağa 390 302 häm Slovakiyağa 301 405 qaçaq küçte.

Ukrainadan kürşe illärgä kitkän qaçaqlarnıñ 100 meñnärçäse biredän qalğan Awrupa illärenä yul tottı.

BMOğa bäyle Xalıqara Migraŝiya oyışması da Ukrainada 6 million yarım watandaşnıñ yortsız qaluın citkergän ide.