Taliban mӓk üsterüne häm isertkeç matdӓlӓr qullanunı tıyğan
Qararnı ütӓmawçelӓr cawaplılıqqa hӓm cӓzağa tartılaçaq

Ӓfganstanda Taliban waqıtlıça xökümӓte il külӓmendӓ mӓk üsterüne tıyğan.
Taliban xakimiyӓte beldergӓnçӓ, lider Mulla Xibetulla Axundzadӓ qararı belӓn ildӓ alkogol’,geroin, narkotik kinderaş kebek isertkeç matdӓlӓr qullanu, alar belӓn sӓwdӓ itü , narkotik matdӓlӓr êşlӓp çığaruçı êşxanӓlӓr tıyılğan , bu qararnı ütӓmawçelӓr cawaplılıqqa hӓm cӓzağa tartılaçaq.
Qarar nigezendӓ ildӓ mӓk üsterügӓ dӓ röxsӓt yuq.
Talibanğa qadӓr Ӓşrӓf Gani xakimiyӓtendӓ dӓ rӓsmi rӓweştӓ spirtlı êçemleklӓr tıyılsa da,ul böten ildӓ yӓşeren rӓweştӓ satıldı.
Ӓfganstan dön’yada qanunsız yullar belӓn narkotik matdӓlӓr êşlӓngӓn mӓk hӓm kinder kebek üsemleklӓr iň küp citeşterelgӓn hӓm êksportlanğan illӓrneň berse.
Talibannan soň xalıqara yӓrdӓmnӓrneň tuqtawı belӓn tirӓnӓygӓn iq’tisadi krizis küp keşelӓrne bu ölkӓdӓ êşlӓrgӓ êtӓrӓ, çönki ul bik tabışlı tarmaq.
Şaqtıy keşe bu ölkӓgӓ êş mömkinlege bulmaw, qorılıq, azıq-tölek belӓn tӓêmin itü problemaları arqasında mörӓcӓğӓt’ itӓ.
Bäyläneşle xäbärlär

UNAIDS kisätä: “SPİD krizisı arta ala”
UNAIDS AQŞnıñ fondlarnı özüeneñ SPİD fäläqäten arttıra aluın belderde