BMO Ukrainada tınıç xalıq ülemnären açıqladı

Rusiyä-Ukraina suğışında Ukrainada tınıç xalıqtan kim digändä ber meñ 276 keşe häläq bulğan, ber meñ 981 grajdan yaralanğan, höcümnärdän soñ 4 million 102 meñ 876 qaçaq kürşe illärgä küçkän

1805882
BMO Ukrainada tınıç xalıq ülemnären açıqladı

Berläşkän Millätlär Oyışması yuğarı komissarlığı yasağan belderüdä Ukrainadağı qaçaqlar krizisına qağılışlı törle çığanaqlardan alınğan mäğ’lümatlär citkerelde.

Belderüdä 24nçe fevral’-31nçe martta yartıdan kübräge Pol’şağa buluı belän bergä Ukrainadan 4 million 102 meñ 876 qaçaqnıñ kürşe illärgä kitüe äytelde.

Kürşe illärdän iñ küp Pol’şağa (2 million 384 meñ 814), Rumıniyağa (623 meñ 627), Moldovağa (390 meñ 187), Vengriyağa (374 meñ 535) häm Slovakiyağa (292 meñ 39) qaçaqnıñ kitüe citkerelgän belderüdä Doneśk häm Lugansk töbäklärennän 21nçe-23nçe fevral’dä 113 meñ keşeneñ Rusiyägä küçüe iskärtelep uzıldı.

Şul uq waqıtta BMOğa bäyle Xalıqara migraśiya oyışması (IOM) Ukraina êçendä dä tınıç xalıqtan 6 million yarım keşeneñ başqa cirgä küçep kitüen, bu räweşle kürşe illärgä kitkän qaçaqlar belän bergä üz cirlärennän kitkän ukrainalılarnıñ tuplam sanınıñ 10 millionğa citüe belderelgän ide.



Bäyläneşle xäbärlär