Germaniyä garant bulırğa teli

Ukraina belän Rusiyä arasında solıx kileşüe tözelgän oçraqta şaqtıy däwlät garant bulırğa teläwen belderde

1804591
Germaniyä garant bulırğa teli

Germaniyä, Ukraina belän Rusiyä arasında solıx kileşüe tözelgän oçraqta, garant däwlät bulırğa teli.

Xökümät süzçese Şteffen Xebestrayt Berlindağı matbuğat cıyılışında kanśler Olaf Şol’ś häm Ukraina ilbaşı Vladimir Zelenskiynıñ soñğı telefon söyläşüendä bu mäs’äläne quzğatuların belderde.

“Germaniyä, başqa bik küp däwlät şikelle, älbättä, Ukraina öçen iminlek garantı bularaq xäräkät itärgä äzer,”-dide ul.

Xebestrayt bu suğışnıñ xärbi aktyerı bulırğa telämäwlären äytä. Ul küp kenä däwlätkä garantlıq täq’dime yasaluın, Germaniyäneñ dä garant illärdän berse bula aluın belderä. Anıñ süzenä qarağanda, älegä bu mäs’älädge şaqtıy detal’lär tögäl tügel, şuña kürä alarnıñ söyläşenep anıqlanuı kiräk.



Bäyläneşle xäbärlär