Putinnan altın açqıç kire alına

İspaniyä başqalası Madridta şähär şurası 2006nçı yılda Rusiyä däwlät başlığı Vladimir Putinğa birgän qalanıñ altın açqıçı kire aldı. Qanun çığaru organındağı tawış birüdä säyäsi partiyälär berdäm diyärlek monı rasladı. Barı çiktän tış uñçı Voks firkase genä qarşı çıqtı.

Älege partiyäneñ süzçese Xav’yer Ortega Smit xörmät bilgese bularaq tapşırılğan altın açqıçnıñ şäxsän Putinğa tügel, rus xalqına birelüen alğa sörä. Rusiyä däwlät başlığın ğayepläwdän baş tartuçı Voksnıñ poziśiyäsen başqa säyäsi partiyälär tänqıyt’läde.