Meksikada qorallı höcüm
Qanunsız räweştä ätäç suğıştırılğan urınğa ut açılğan
1803217
Meksikanıñ könbatışında urnaşqan Mixoakan vilayätendä kiçä qorallı ber törkemneñ qanunsız räweştä ätäç suğıştırılğan urınğa ut açuı näticäsendä 19 keşe ülde.
Räsmi zatlar höcümdä ğomere özelgän 19 keşedän 3eseneñ xatın-qız buluın häm şaqtıy keşeneñ yaralanuın açıqladı.
Şahitlar höcümçelärneñ waqıyğa urınınnan qaçqan waqıtta da tirä-yaqqa ut açuın äyte. Höcümneñ säbäbe älegä bilgesez, höcümçelärne qulğa alu öçen xärbilärgä wazıyfa birelde.
Uzğan aylarda ilne törle urınnarındağı qorallı törkemnär köndäşlären maqsat alıp, barlar häm klublarğa höcümnär oyıştırğan ide.