Zambiyädä 3 million 800 meñ balağa poliomielitqa qarşı privivka yasalaçaq

Kön’yaq Afrika ile Zambiyädä 5 yäş’kä qadärge 3 million 800 meñ balağa poliomielitqa qarşı privivka yasalaçaq.

Bu xaqta Berläşkän Millätlär Oyışmasınıñ Balalarğa yärdäm itü fondı YUNİSEF nıñ Zamibiya wäkile Noala Skinner belderde.

Ul matbuğatqa yasağan belderüendä “Bez bu virusnı balalarğa zıyan kitergänçe tuqtatırğa tiyeş” dide.

YUNİSEFnıñ Zambiya wäkile Noala Skinner vakśinaśiyäläw kampaniyäseneñ 1 kön êlek başlanuın häm anıñ ilneñ 10 töbägendä ütkäreläçägen äytte.

Kampaniya Bötendönya sälamätlek saqlaw oyışması belän berlektä alıp barılaçaq.

Kön’yaq Afrika ile Malavida 17 nçe fevral’dä berençe poliomielit oçrağı terkälgännän soñ anıñ taraluına qarşı Afrika qıytğasında 23 million balağa poliomielitqa qarşı privivka yasalaçaq.

Poliomielit nigezdä 5 yäş’tän keçeräk balalarda oçrıy.

Virus här 200 oçraqnıñ bersendä umırtqa bağanasın zararlıy häm paraliçqa kiterä.

Andıylarnıñ 5-10%ı, sulış muskullarına tiskäre täêsir itkändä, ğomeren yuğalta.