Kön’yaq Koreya kürşesenä raketalar belän cawap birde
Kön’yaq Koreya Tön’yaq Koreyanıñ qıytğalarara ballistik raketanı atuınnan soñ ciröstennän, diñgezdän häm hawadan raketalar oçırttı
“Yonhap”tağı xäbärgä kürä, Kön’yaq Koreya ğaskäre Tön’yaq Koreyanıñ bügenge qıytğalarara ballistik raketa sınawına ciröstennän, hawadan häm diñgezdän raketalar belän cawap birelüen belderde.
Kön’yaq Koreyalı xärbi zatlar Tön’yaq Koreya cibärgän raketanıñ 6 meñ 200 kilometrdan artıq biyıklektä yaqınça 1 meñ 80 çaqrım oçuın citkerde.
Şul uq waqıtta Kön’yaq Koreya räsmiläre Tön’yaq Koreyanıñ raketa sınawların gäyıpläwçe açıqlawlar yasadı.
Kön’yaq Koreya xärbi zatları 16nçı martta da "uñışsız" ballistik raketa sınawın ütkärgän Tön’yaq Koreyanıñ adımnarın yaqınnan küzätep baruların beldergän ide.
Räsmilär Tön’yaq kürşeseneñ 20nçe martta da raketa caylanmaları belän Sarı dingezgä dürt tapqır ut açuın citkergän ide.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
