Dawıl häm öyermä 2 can aldı
AQŞtağı 20 öyermädä şaqtıy öy häm êş urını zıyan kürde
Amerika Quşma Ştatlarınıñ kön’yaq ştatlarında küzätelgän dawıl häm öyermädä 2 keşeneñ ğomere özelde.
2 kön êlek Texas häm Oklaxomada köçle dawıl häm öyermä çıqtı.
Luiziana ştatınıñ N’yu Orleans şähärendä küzätelgän öyermä şaqtıy öy häm êş urınına zıyan saldı, xäräbälär astında qalğan 1 keşe yaqtı dön’yadan kitte.
AQŞnıñ Milli Meteorologiya xezmäte älege öyermä tizlegeneñ sägätenä 120 çaqrımğa citüen belderep, töbäktä köçle yañğır häm dawılnıñ däwam itäçäge turında kisätte.
Texasnıñ urta häm tön’yaq töbäkläre belän kürşe ştat Oklaxomanıñ kön’yağında 14nçe mart tönendä başlanğan kim digändä 20 öyermädä şaqtıy öy häm êş urını zıyan kürgän ide.
Dallasnıñ yaqınça 100 çaqrım tön’yağındağı ber toraq punkta 1 keşeneñ ülüe häm kim digändä 10 keşeneñ yaralanuı citkerelgän ide.
Bäyläneşle xäbärlär
Netan’yaxunı öye aldında protest itkännär
Protestçılar Netan’yaxu xökümätenä äsirlärneñ kire kiterelüe taläben qabatladı
