Bosniyada êlekke serb ğaskäriyınä 35 yıl törmä

Bosniya-Hersegovina mäxkämäse ildä 1992nçe-1995nçe yıllardağı suğışta "xärbi cinayät" yasawı säbäbe belän êlekke serb ğaskäriyı Predrag Bastaxnı 35 yılğa törmägä xökem itte

1800529
Bosniyada êlekke serb ğaskäriyınä 35 yıl törmä

Bosniya-Hersegovina mäxkämäsennän yasalğan yazmaça belderüdä, Bastaxnıň Serp Cömhüriyäte armiyası äğ’zase bularaq 1992nçe yılda Vlasseniśa töbägendä Bosniyalı tınıç xalıqnı üterü, totqarlaw häm ğazaplap intekterü cinayätlärendä qatnaşuı äytelde.

Belderüdä Bastaxnıň Serp Cömhüriyäte armiyası tarafınnan Vlasseniśa töbägendä tözelgän Susiśa konślagerı häm saq astında totu alanında 34 Bosniyalı grajdannıň üterelüendä qatnaşuda gäyıplänüe citkerelde.

Ğayıpläwnamädä Bastaxnıň qorbannarnı Susiśa konślagerınnan avtobuslar belän üterelgän urınğa alıp baruı da bar.

Yazmaça belderüdä Bastaxnıň “xärbi cinayät” häm “keşelekkä qarşı yasalğan cinayätlär” maddäsenä bäyle bularaq cäzasınıň raslanuı häm 35 yıl törmägä xökem itelüe bilgeläp uzıldı.

Bastax 2010nçı yılnıň 4nçe fevral’ könne dä keşelekkä qarşı cinayätlärdän 22 yılğa törmägä xökem itelgän ide.

Bosniya-Hersegovinada 1992nçe-1995nçe yıllardağı suğışta Vlasseniśada 288 bala belän bergä 2 meň 643 bosniyalı küpläp üterelgän ide.



Bäyläneşle xäbärlär