Finlyandiyä NATOğa kerergä uylamıy

Finlyandiyä ilbaşı Sauli Niinistö ileneñ NATOğa quşıluınıñ Awrupadağı iminlek wäzğıyätenä naçar täêsir itäçägen häm xäzerge kiyerenkelekne tağın da arttıraçağın belderde.

Ul ilneñ ittifaqqa kerüennän soñ barlıq borçularnıñ betmäyäçägen assızıqladı.

“Bez monıñ kiteräçäk törle riskların kürergä tiyeş. Finlyandiyäneñ NATOğa kerüe oçrağında iñ zur xäwef - Awrupadağı xäzerge kiyerenkelekneñ artuı,”-dide Niinistö.

Finlyandiyä däwlät telekanalı YLEneñ ictimağıy tikşerenüenä qarağanda, il xalqınıñ 62%ı NATO äğ’zalığın yaqlıy.

Şveśiyä xökümäte räise Magdalena Andersson da 8nçe martta yasağan belderüendä ileneñ NATOğa kerüeneñ Awrupadağı iminlekne bozaçağın häm şul säbäple ittifaqqa quşılırğa xäzergä uylamawların äytte.

Rusiyä tışqı êşlär ministrlığı süzçese Mariya Zaxarova Ukraina belän suğış başlanğannan soñ: “Şveśiyä häm Finlyandiyäneñ NATOğa kerü oçrağında Rusiyädän cawaplı adımnar yasalaçaq,”-dip yanağan ide.