"Mariupol’dan êvakuaŝiya başqarıldı"

Ukrainanıñ Azov diñgeze belän bäyläneş yuğaltuı belderelde.

Ukraina qorallı köçläre tarafınnan yasalğan açıqlawda Rusiyäneñ Ukrainağa höcümnäreneñ 23nçe könendäge täraqqıyät’lär citkerelde.

Açıqlawda: “Ruslar Ukraina başqalası Kiyevnı qamaw, Doneŝk häm Lugansk töbäkläreneñ idari çiklärenä ireşü häm ilneñ sul yağında kontrol’ne qulğa töşerü maqsatlarına ireşä almadılar. Yawlawçılar Doneŝk operaŝiya töbägendä öleşçä uñışqa ireşte. Waqıtlıça bularaq Ukraina armiyaseneñ Azov diñgezenä ireşüenä qomaçawladılar,” – dip äytelde.

Açıqlawdan kürengänçä rus xärbiläre Nikolayevka yaqınlaşqanda saqlanu berämlekläre tarafınnan tuqtatıldı.

Amerika Quşma Ştatları Saqlanu ministrlığı Pentagonnan yuğarı däräcäle ber räsmi zat ta Rusiyäneñ Ukrainanı yawlaw kereşüeneñ 23nçe könendä ruslarnıñ Ukrainada alğa baruınıñ tuqtap qalu dääcäsendä buluın açıqladı.

Ukraina İlbaşı idaräse ofisınıñ başlıq yärdämçese Kiril Timoşenko Telegram kanalında açıqlaw yasap, kiçä tınıç xalıqnıñ êvakuaŝiyase öçen 9 gumanitar yärdäm koridorınıñ açıluın, soñğı täwlektä älege koridorlardan 9144 keşeneñ êvakuaŝiyalänüen belderep: “4972 keşe Mariupol’dan Zaporoj’ye şähärenä küçerelde, alardan 1124e – balalar”, - dide.

Timoşenko Sumı şähärennäñ dä 4172 keşeneñ êvakuaŝiyalänüen citkerde.