Franśiyädä rus milliarderınıñ villasına basqın buldı
Putinnıñ êlekkege kiyäwe Şamalovnıñ yortına Ukraina bayrağı êldelär
Ukraina yaqlı aktivistlar Franśiyäneñ kön’yaq töbägendäge kurort şähäre Biarriśta Rusiyä däwlät başlığı Vladimir Putinnıñ êlekkege kiyäwe Kirill Şamalovnıñ villasına bärep kerde.
Franśiyä matbuğatındağı xäbärlärgä qarağanda, basqında Basklar töbägendäge “sarı jiletlılar”nıñ äydäp baruçılarınnan berse – P’yer Xaffner da qatnaşqan. Alar Putinnıñ qızı Katerina Tixonovanıñ êlekkege ireneñ villasına Ukraina bayrağın êlde.
Êşmäkär Şamalovnıñ milegenä kergän aktivistlar yortnı ukrainalı möhacirlärgä birergä teläwlären belderde.
İminlek köçläre aktivist Xaffnernı saq astına aldı. Anıñ tizdän prokuror qarşına çığaçağı belderelde.
Bäyläneşle xäbärlär
Vaşington Qıtaynıñ Afrikadağı yoğıntısına kirtä quya almıy
AQŞ idaräse Afrikanı östenlek xälenä kiterä almağaç, Qıtay töbäktäge yoğıntısın arttırdı
