Protest çaraları däwam itä

Rusiyädä oyıştırılğan protest çaralarında 850dän artıq keşe qulğan alındı.

Rusiyäneñ Ukrainağa höcümnäre däwam itä, dön’yanıñ şaqtıy urınında suğışqa qarşı protestlar oyıştırıla.

Kiçä Rusiyädä dä 37 şähärdä çaralar uzdı.

Protestlarda Rusiyä däwlät başlığı Vladimir Putinğa qarşı şiğar’ äytkän rizasızlıq belderüçelärgä poliŝiya qırıs räweştä qatıştı.

Başqala Mäskäwdäge Qızıl mäydanda başlanğan çaralarda 500 tiräse, ildä barlığı 850dän artıq keşe qulğa alındı.

Rusiyädä OVD-info ictimağıy oyışma 24nçe fevral’dan bügengä qadär qulğa alınğan protestçı sanınıñ 14 850gä citüen belderde.

Rusiyäneñ Ukrainağa höcüme Pol’şanıñ Krakov şähärendä dä protest itelde.

Ukraina bayrağı häm plakatlar kütärgän rizasızlıq belderüçelär NATOdan Ukraina cirlärendäge rus oçqıçları öçen hawa kiñlegen yabunı taläp itte.

Rusiyä höcüme İtaliyaneñ Milan şähärendä häm İspaniya başqalası Madridta da protest itelde.