Ukrainadan êvakuaśiyӓlär däwam itä
Kiçä 13 meñgӓ yaqın ukrainalı gumanitar koridorlar aşa qurqınıçsız urınnarğa küçerelgän
Şimbӓ könne 13 meñgӓ yaqın ukrainalı Rusiya armiyӓse belӓn suğış dӓwam itkӓn şӓhӓrlӓrdӓ açılğan gumanitar koridorlar aşa qurqınıçsız urınnarğa êvakuaśiyӓlӓngӓn.
Bu xaqta Ukraina viśe - prem’yerı İrina Vereşuk xӓbӓr itӓ.
Vereşuk ӓytüençӓ, suğış dӓwam itkӓn törle töbӓklӓrdӓ açılırğa planlaştırılğan 14 gumanitar koridornıñ 9ı qullanılğan.
Vise -prem’yer kiçӓ Sumi, Krasnopolye, Pisarevka,Konotop, Lebedin, Buça, Gostomel’, Nemişayev toraq punktlarındağı gumanitar koridorlarnıñ êşlӓwlӓren hӓm bu marşrurtlardan êvakuaśiya başqarıluın, Ênergodar, İrpen, Vorzel’,Kozaroviç hӓm Borodyankadan êvakuaśiyӓlӓrneñ Rusiya armiyӓse tarafınnan totqarlanuın belderde.
Ukraina viśe - prem’yerı İrina Vereşuk bügen suğış dӓwam itkӓn şӓhӓrlӓrdӓ ukrainalılarnı êvakuaśiyӓlӓw öçen yaña omtılışlar yasalaçağın da ӓytte.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı